Ակնարկ ֆիզկուլտուրայի կամ ներառական սպորտի մասին

sportՀաշմանդամության խնդիրը համաշխարհային մասշտաբի խնդիր է, որը գոյություն ունի աշխարհի բոլոր երկրներում՝ անկախ տնտեսական աճի մակարդակից։ Հաշմանդամության աճը բազմաթիվ երկրներում նախապայմաններ է ստեղծել և հանգեցրել մարդկային գիտելիքների, կրթական ու գիտական առարկաներից բազմաթիվ ոլորտների առաջացմանը։ Ներկայումս հաշմանդամություն ունեցող անձանց թիվը շատ երկրներում գերազանցում է բնակչության 10%-ը և շարունակում է աճել։ Համաշխարհային առողջապահական կազմակերպության տվյալներով Երկիր մոլորակի  մարդկության 10%-ը հաշմանդամություն ունեցող անձինք են։

Մշտապես աճում է I և II կարգի հաշմանդամություն ունեցող անձանց թիվը և պակասում է նրանց թիվը, որոնց աշխատունակությունը այս կամ այն չափով վերականգնված է։ Հաշմանդամություն ունեցող անձանց թվում քիչ չեն նաև երեխաները, այդ թվում՝ նախադպրոցական տարիքի։ Համարվում է, որ երեխաների մեծամասնությունը, ավարտելով դպրոցը, առողջական խնդիրների պատճառով մասնագիտության հարցում ընտրության լայն հնարավորություններ չունի։ Երեխաների մոտ 30%-ը զինվորական ծառայության համար համարվում են ոչ պիտանի։ Հիվանդությունների թվում, որոնց արդյունքում երեխաները ձեռք են բերում հաշմանդամություն, առաջին տեղում է նյարդային համակարգի հիվանդությունները, երկրորդ տեղում՝ հոգեբանական խնդիրները, երրորդ տեղում՝ շնչառական համակարգի հիվանդությունները։

Continue Reading

Շնորհավոր սեպտեմբերի 1

eds006Գիտելիքը հզոր ուժ է, որը միշտ էլ օգնում է ավելի ճիշտ ապրել` հարստացնելով մարդու միտքն ու հոգին: Կրթված մարդն, այնուամենայնիվ, գտնում է իր ճիշտ տեղն ու դիրքը` արժանանալով  շրջապատի ուշադրությանն ու համակրանքին: Հայտնի է այն միտքը, որ մարդը ստեղծված է այն գրքերից, որոնք կարդացել է: Հետևաբար պետք է շարունակ լցնել ու հարստացնել գիտելիքների պաշարը`ձգտելով ինքնազարգացման և հոգու կատարելության: Սրտանց շնորհավորում եմ բոլորին նոր ուսումնական տարվա մեկնարկի և գիտելիքի օրվա կապակցությամբ: Դեպի գիտելիքի աշխարհ մուտքն ազդարարող այս օրը բոլորիս տոնն է: Տոնական այս օրն առանձնակի ջերմությամբ մեր շնորհավորանքներն ու բարեմաղթանքներն ենք հղում բոլոր դպրոցականներին և հատկապես մեր առաջին դասարանցիներին՝ մաղթելով հաջողություն կյանքի բոլոր փուլերում:

Ուրախությամբ կարող ենք փաստել, որ Հայաստանում վերջին տարիներին ավելացել է այն մարդկանց թիվը, ովքեր գիտակցում են, որ այն հասարակությունը, որը ներառում է հաշմանդամություն ունեցող երեխաներին, լավագույնն է: Ներառական դպրոցներում սովորելը անցագիր է դեպի այն հասարակություն, որտեղ յուրաքանչյուր անդամը՝ անկախ հաշմանդամությունից, ունի հավասար հնարավորություններ ու մասնակցում է Հայաստանի ապագայի կերտմանը:  Continue Reading

ՄԵՐ ՀՈՒՆԻՍԻ ՄԵԿԸ…

ManuArt (35)Ինչպես աշխարհի շատ երկրներում, այնպես էլ Հայաստանում, ամեն տարի հունիսի մեկը նշվում է որպես երեխաների պաշտպանության օր: Այս օրվան հատկապես մանուկներն սպասում են սրտատրոփ, քանզի բոլորի ուշադրությունը սևեռված է հենց նրանց: Սակայն երեխաներին սիրով ու հոգատարությամբ պետք է շրջապատել ամեն օր: Դրա կարիքն ունեն հատկապես հաշմանդամություն ունեցող երեխաները, ովքեր հաճախ անտեսվում են հասարակության կողմից:

Continue Reading

ԼՂՀ և ՀՀ ավելի քան 520 կազմակերպություններ համատեղ հայտարարությամբ դիմել են Եվրախորհրդարանին

EuropeanԼեռնային Ղարաբաղի Հանրապետության և Հայաստանի Հանրապետության քաղաքացիական հասարակությունը ապրիլի 11-ին համատեղ կոչով դիմել է Եվրոպական խորհրդարանին, որում, մասնավորապես, անդրադարձել է ապրիլի սկզբին Ադրբեջանի կողմից ԼՂՀ-ի դեմ սանձազերծած լայնածավալ պատերազմական գործողություններին և չորս հիմնական պահանջ ներկայացրել այդ առնչությամբ: Եվրոպական խորհրդարանին ուղղված համատեղ կոչը ստորագրել են Արցախի և Հայաստանի ավելի քան 520 հասարակական կազմակերպությունների ղեկավարներ, այդ թվում նաև «ԷԽՈ» Իրավապաշտպան ՀԿ նախագահ Սերյոժա Օհանջանյանը:

Ինչպես «Արմենպրես»-ին տեղեկացրել են «Հայաստանի եվրոպացի բարեկամներ» կազմակերպությունից, ներկայացված ծավալուն փաստաթուղթը Եվրախորհրդարանի պատգամավորների ուշադրությունն է հրավիրել Ադրբեջանի կողմից միջազգային կոնվենցիաների ու պարտավորությունների կոպտագույն խախտումների վրա` հատուկ ընդգծելով ԼՂՀ դեմ ադրբեջանական ագրեսիայի կանխամտածված և հարձակողական բնույթը, ուղղված քաղաքացիական բնակչության դեմ` ներառյալ երեխաների և ծերերի: Continue Reading

ՍՓՅՈՒՌՔ — ՀԱՅԱՍՏԱՆ ԱՋԱԿՑՈՒԹՅԱՆ ՇՐՋԱՆԱԿ՝ Ի ՆՊԱՍՏ ՀԱՇՄԱՆԴԱՄՈՒԹՅՈՒՆ ՈՒՆԵՑՈՂ ԵՐԵԽԱՆԵՐԻ

10321752_627175594106510_7810552471595975767_oՀամաձայն պաշտոնական տվյալների՝ Հայաստանում շուրջ 198 619 մարդ ունի հաշմանդամության խնդիրներ: Քանակը  ահռելի է Հայաստանի նման փոքր երկրի համար: Հաշվի առնելով Հայաստանի սոցիալ-տնտեսական վիճակը՝ հաշմանդամություն ունեցող մարդիկ պետության կողմից ապահովված չեն համապատասխան պայմաններով, ի տարբերություն արտերկրում ապրող հաշմանդամություն ունեցող անձանց: «ԷԽՈ» հասարակական կազմակերպության նախաձեռնած ծրագրի նպատակն էլ հենց դա է՝ բարեգործական ծրագրերի իրականացման միջոցով օգնել հաշմանդամություն ունեցող երեխաներին, նրանց առողջական խնդիրների լուծմանը, տրամադրելով  նրանց անհրաժեշտ և համապատասխան տեխնիկա, օժանդակ սարքավորումներ: Կազմակերպության խնամակալության տակ են գտնվում հաշմանդամություն ունեցող շուրջ 200 երեխաներ՝ տարբեր աստիճանի առողջական խնդիրներով: Նրանցից շատերը  ունեն  վիրահատության կարիք, մի մասին անհրաժեշտ են համապատասխան սարքավորումներ, որոնց  օգնությամբ նրանք կկարողանան տեղաշարժվել տեղից տեղ, ոմանց էլ՝ մարզվելու համար հատուկ բժշկական հեծանիվներ, մարզասարքեր: Վերոնշյալ բոլոր պայմանները բավականին թանկարժեք ծառայություններ են, որոնց  ծախսերը ի վիճակի չեն հոգալու երեխաների ընտանիքները:

«ԷԽՈ» կազմակերպությունն իր գործունեության երկար ու ձիգ այս տարիների ընթացքում պարբերաբար օգնել է այդ երեխաներին և նրանց ընտանիքներին, համապատասխանաբար լուծումներ տալով նրանց առջև ծառացած տարբեր խնդիրներին: Առանձնահատուկ հարկ է նշել կազմակերպության գործընկերներին, հովանավորներին, ովքեր մշտապես եղել են և կան  «ԷԽՈ»-ի կողքին: Սակայն, քանի որ խնդիրները շատ են, իսկ հնարավորությունները՝ քիչ, ուստի, բարեգործական ծրագրերի  միջոցով ավելի մասշտաբային խնդիրների լուծման համար որոշման կայացումն առավել ակտուալ դարձավ: Բարեգործական համերգային ծրագիրը թույլ  կտա իր հասույթով օգնել բազմաթիվ երեխաների առողջական խնդիրների լուծմանը, ավելին՝ նրանց վաղեմի երազանքների իրականացմանը:

Առաջին բարեգործական համերգային շրջագայությանն աջակցեցին սիրված և տաղանդավոր հայ ժողովրդական երգիչներ՝ Դավիթ Հակոբյանը, Եվա Եգանյանը և Գրիգոր Միրզոյանը, ովքեր  ակտիվ գործունեություն ունեն  Հայաստանում և նրա սահմաններից դուրս: Արտերկրում ապրող մեր հայրենակիցները գեղեցիկ համերգային ծրագրի ականատեսը և մասնակիցը եղան, որի ընթացքում մի պահ մտովի վերադարձան հայրենի ակունքներին, վերապրեցին հայրենի հողի  նկատմամբ ունեցած անհագ կարոտը և մեծ բավականություն ստացան երգիչների շուրթերից հնչած ազգային-ժողովրդական երգերից: Նշենք, որ երգիչները մեծ պատրաստակամությամբ համագործակցեցին մեր կազմակերպության հետ՝ ի զորակցություն հաշմանդամություն ունեցող երեխաների: Ծրագիրն իրականություն դարձավ  հայ համայնքների, եկեղեցիների և անհատ բարերարների աջակցության շնորհիվ, հանձին՝ Փարիզ քաղաքում «ԷԽՈ» ՀԿ մարդասիրական աջակցության դեսպան, Արտակ Թադևոսյանի և Փարիզի Սրբ․Հովհաննես Մկրտիչ եկեղեցու, Մարսել քաղաքում Մարսելի Հայ Առաքելական մայր եկեղեցու և  Մարսելի Սահակ-Մեսրոպ մշակութի կենտրոնի, Վիեննայում Աւստրիոյ Հայ Առաքելական Եկեղեցական Համայնքի և Վիեննայում՝ «ԷԽՈ» ՀԿ մարդասիրական աջակցության դեսպան, Վարսենիկ Սիմոնյանի։

Կրկին երախտագիտություն ենք հայտնում բոլոր  նրանց, ովքեր մասնակիցը և աջակիցը եղան բարեգործական համերգի իրականացման։ Համերգից ստացված հասույթը նախատեսված է տրամադրել «ԷԽՈ» ՀԿ օժանդակության տակ գտնվող շուրջ 200 հաշմանդամություն ունեցող երեխաների սոցիալ-առողջական ներառման և վերականգնման աջակցմանը Հայաստանում:

Հետագայում առավել արդյունավետ բարեգործական ծրագրերի իրականացման նպատակով, կազմակերպությունը զուգահեռաբար ձևավորել է նոր թիմ՝ Հայաստանում իր տեսակի մեջ առաջին բարեգործական պրոդաքշնը (այսուհետ՝ «ԷԽՈ ՊՐՈԴԱՔՇՆ») բարեգործական ծրագրերի շրջանակներում:

«Մեկ քայլ առաջ» ծրագրում աջակցեցինք Էդմոնդ Ադամյանին

Էդմոնդ Վարդանի Ադամյանը ծնվել է 10.03.2006թ.-ին: Երեխայի մոտ ախտորոշված է ՄՈւԿ՝ մանկական ուղեղային կաթված (սպաստիկ կվադրիպարեզ), խոսքի և մտավոր զարգացման հապաղում: Այս հիվանդության ախտանիշներն անհնար են դարձնում երեխայի ֆիզիկական և մտավոր զարգացումը։ Ուստի, վիճակի հետագա կայունացման համար երեխային անհրաժեշտ է մարզասարք՝ 40.000  (քառասուն հազար) դրամ արժողությամբ:

Ուստի, «ԷԽՈ» հասարակական կազմակերպությունը «Մեկ քայլ առաջ»  ծրագրի շրջանակներում աջակցեց երեխային՝ քայլքի ֆունկցիոնալ առաջընթացի համար տրամադրելով անհրաժեշտ մարզասարքը: Նշենք, որ «Մեկ քայլ առաջ» ծրագիրն ուղղված է հաշմանդամություն ունեցող երեխաների սոցիալ-առողջական ներառմանը և վերականգնմանը ՀՀ-ում, որի իրականացմանը մասնակցում են բացառապես տեղական կազմակերպություններ:

«Մեկ քայլ առաջ» ծրագրում աջակցեցինք Միշա Բախտամյանին

Image0003Միշա Նորայրի Բախտամյանը ծնվել է 11.02.2010թ.-ին: Երեխայի մոտ ախտորոշված է ՄՈւԿ՝ մանկական ուղեղային կաթված և, հետևաբար, հենաշարժողական ֆունկցիայի խիստ խանգարման արդունքում՝ երեխան ունի շարժողական լուրջ խնդիրներ: Վիճակի հետագա կայունացման համար երեխային անհրաժեշտություն ուներ վերականգնողական բուժման ՌԴ-ում Կրասնոդար քաղաքում գտնվող “Меридиан” բժշկական կենտրոնում: Բուժման կուրսը 40.000  (քառասուն հազար) ռուբլի արժողությամբ է՝ մոտավորապես համարժեք 280.000  (երկու հարյուր ութսուն հազար) ՀՀ դրամի:

Ուստի, «ԷԽՈ» հասարակական կազմակերպությունը «Մեկ քայլ առաջ»  ծրագրի շրջանակներում աջակցեց երեխային, բուժման կուրսն ստանալու համար տրամադրելով անհրաժեշտ ֆինանսական միջոցներ: Նշենք, որ «Մեկ քայլ առաջ» ծրագիրն ուղղված է հաշմանդամություն ունեցող երեխաների սոցիալ-առողջական ներառմանը և վերականգնմանը ՀՀ-ում, որի իրականացմանը մասնակցում են բացառապես տեղական կազմակերպություններ։